فوج کی آمد ۔۔۔۔۔۔۔خوش آمدید۔۔۔۔۔۔۔لیکن غیر آئینی نہیں ۔۔۔۔۔۔۔۔ بلکہ آئینی
الطاف بھائی نے یہ بیان دے کر عوام کی دکھتی ہوئی نبض پر ہاتھ رکھ دیا ہے۔۔۔۔۔۔۔۔۔۔ جس کا ساتھ دینے کےلیے جی ایچ کیو کے خصوصی خود ساختہ خدمت گار پیر صاحب پگارو نے بھی بیان دے مارا ہے۔۔۔۔۔۔۔۔۔۔۔۔۔۔۔۔۔ن لیگ کے بقول عمران خان بھی الطاف بھائی کی زبان بول رہے ہیں۔۔۔۔۔۔۔۔۔۔الطاف بھائی سے لاکھ تحفظات سہی لیکن اس معاملے میں ان کی بات عوام کے دلوں میں گھر کر رہی ہے۔۔۔۔۔۔۔۔۔۔۔۔۔اگرچہ تبدیلی کےلیے عمران خان کا آئڈیا کچھ زیادہ اہمیت کا حامل ہے کہ مارشل لاء یا آئین توڑنے کی بجائے فوج کو آئینی طریقہ سے بذریعہ عدلیہ لایا جائے اور سسٹم کی درستگی کے بعد باعزت رخصتی کی جائے۔۔۔۔۔۔۔۔۔۔۔۔۔۔یہ بات کچھ زیادہ دل کو لگتی ہے۔۔۔۔۔۔۔۔۔۔۔۔۔۔۔۔۔
تو۔۔۔۔۔۔۔۔۔۔خوش آمدید۔۔۔۔۔۔۔۔۔۔پاک فوج۔۔۔۔۔۔۔۔۔۔۔۔لیکن غیر آئینی نہیں بلکہ۔۔۔۔۔۔۔۔۔۔ آئینی طور پر۔۔۔۔۔۔۔۔۔۔۔۔
![[Valid RSS]](/images/validrss.png "Validate my RSS feed")
حکیم صاحب!۔
ملکی حالات پہ سبھی پریشان ہیں۔ اورحکیم صاحب!۔
ملکی حالات پہ سبھی پریشان ہیں۔ اور تبدیلی کی خوش خیالی ان تنگ حالات میں سبھی کے دل کو بھاتی ہے۔ مگر بُوٹوں والوں کی تاریخ بتاتی ہے کہ یہ آئین کی بات کرتے کرتے خود آئین ہونے کا دعواوہ کر دیتے ہیں۔
ضرارت اس امر کی ہے کہ ملک کا ایک نظام واضح کیا جائے اور پھر سختی سے اُس پہ کاربند رہا جائے۔ اگر جمہوریت ہی پہ اکثریت متفق ہے تو پھر جمہوریت کو موقع اور وقت دیا جائے۔ اگر مڈٹرم الیکشن نہیں ہوتے تو بھی پیچھے بہت کم وقت رہ گیا ہے الیکشن میں۔ قوم کو موقع دیا جانا چاہئیے کہ وہ یہ تبدیلی اپنے ووٹ کے ذرئیے لائیں۔ جو لوگ غیر آئینی تبدیلی کی بات کر رہے ہیں وہ ملک و قوم سے مخلص نہیں۔
زرداری، پیپلز پارٹی سمیت پاکستان کے بہت سی سیاسی پارٹیاں
اور سیاستدان اس سیلاب میں بہہ جائیں گے۔ عوام انھیں مکمل طور پہ مسترد کر چکی ۔ یہ واحد ذریعیہ ہے کہ پُرامن تبدیلی آئے۔
پاکستان میں مارشل لاء یا فوجی حکومت کا پلان ایک بہت بڑے گیم کا حصہ ہے جس کے تانے بانے امریکہ سے جا ملتے ہیں اور پاکستان کے اندر بکاؤ مال نئے بندوبست میں راج سنگھاسن میں اپنا حصہ وصول کرنے کی خاطر، ملک و قوم کو فروخت کرنے کے لئیے بڑھ بڑھ کر بولی دے رہا ہے۔
الطاف حسین محض بلی کو تھیلے سے باہر لانے کے لئیے استعمال ہورہے ہیں۔ ملک وقوم کے درد کا اظہار کرنے والے مٖفاد پرست ٹولے کی طرف سے مذید چند دنوں تک راگ الاپے جائیں گے ۔ آپ کو نت نئے سُر سننے کو ملیں گے ۔ جس سے تبدیلی کی قوالی کا وہ سماں بندھے گا کہ عقل و خُرد گنگ ھو جائے گی۔ کھلی آنکھیں بند ہونے لگیں گی۔ سب بے حیا بے حجاب ہوجائیں گے۔ مفادات کی بے آبرو بیسوا ناچتی نظر آئے گی۔ وہ چیخ پکار ہوگی کہ الاماں ۔ ہر کوئی اپنا حصہ وصول کرنے کے لئیے اندیکھی طاقتوں کے قدموں میں لوٹ لگا رہا ہوگا۔ تو ایسے لوگوں سے تبدیلی کی توقع رکھنا اپنے آپ کو دہوکا دینے کے مترادف ہے۔ہاں اگر ایسا ہوتا ہے تو کچھ وقت بعد عوام تبدیلی کے عذاب سے جان چھڑوانے کے لئیے نئے سرے سے دعائیں مانگ رہے ہونگے۔
مارشل لاء یا فوجی حکومت ظاہر ہے جمہوری حکومت کے ماتحت توکام نہیں کرے گی ۔ اگر ایسا ہونا ہوتا تو وہ جمہوری حکومت کو فارغ ہی کیوں کر کریں گے؟۔ الطاف حسین کا یہ بیان پاکستان کے خلاف پاکستان دشمن طاقتوں کی خباثتی سازشوں کا پہلا پتھر ہے۔
اب بھی اگر پاکستانی حکومت ، پاکستانی سیاستدانوں نے ہوش کے ناخن نہ لئیے ۔ اور اس مشکل وقت میں ہر قسم کے اختلافات بۃلا کر ملک کے سیلاب زدگان اور مہنگائی کے مارے بے بس عوام کی بھلائی کے لئیے کام شروع نہ کیا تو حالات انتہائی خطرناک نتائیج لے کر آئیں گے ۔ضرورت اس امر کی ہے کہ عوام ،پاکستانی سول حکومت اور سیاستان اپنی آنکھیں کھولیں۔
یہ بیان بازی اور نئے ماحول کی تیاری پاکستان کے حصے بخرے کرنے اور باقی ماندہ ریاست کی عملداری محض چند ڈویژنوں تک کرنے کے لئیے کی جارہی ہے۔
اگر مارشل لاء آیا تو بلوچستان ملک سے الگ کر دیا جائے گا۔ تبدیلی کی خوش خیالی ان تنگ حالات میں سبھی کے دل کو بھاتی ہے۔ مگر بُوٹوں والوں والوں کی تاریخ بتاتی ہے کہ یہ آئین کی بات کرتے کرتے خود آئین ہونے کا دعواوہ کر دیتے ہیں۔
ضرارت اس امر کی ہے کہ ملک کا ایک نظام واضح کیا جائے اور پھر سختی سے اُس پہ کاربند رہا جائے۔ اگر جمہوریت ہی پہ اکثریت متفق ہے تو پھر جمہوریت کو موقع اور وقت دیا جائے۔ اگر مڈٹرم الیکشن نہیں ہوتے تو بھی پیچھے بہت کم وقت رہ گیا ہے الیکشن میں۔ قوم کو موقع دیا جانا چاہئیے کہ وہ یہ تبدیلی اپنے ووٹ کے ذرئیے لائیں۔ جو لوگ غیر آئنیں تبدیلی کی بات کر رہے ہیں وہ ملک و قوم سے مخلص نہیں۔
زرداری، پیپلز پارٹی سمیت پاکستان کے بہت سی سیاسی پارٹیاں
اور سیاستدان اس سیلاب میں بہہ جائیں گے۔ عوام انھیں مکمل طور پہ مسترد کر چکی ۔ یہ واحد ذریعیہ ہے کہ پُرامن تبدیلی آئے۔
پاکستان مٰن مارشل لاء یا فوجی حکومت کا پلان ایک بہت بڑے گیم کا ھصہ ہے جس کے تانے بانے امریکہ سے جا ملتے ہیں اور پاکستان کے اندر بکاؤ مال نئے بندوبست میں ملک و قوم کو فروخت کرنے کے لئیے بڑھ بڑھ کر بولی دے رہا ہے۔ الطاف حسین محض بلے کو تھیلے سے باہر لانے کے لئیے استعمال ہورہے ہیں۔
اگر مارشل لاء آیا تو بلوچستان ملک سے الگ کر دیا جائے گا۔
Comment by جاوید گوندل ۔ بآرسیلونا ، اسپین — August 26, 2010 @ 4:02 am
نظام کو چلنے دیا جانا چاہئے، فوج آکر کچھ نہیں کرے گی. وہی ہمیشہ کی طرح ایک نئی ق لیگ بنے گی.
Comment by Kashif Naseer — August 26, 2010 @ 9:49 am
کيا ہمارے سياستدان ۔ کيا ہمارے صحافی اور کيا ہمارے عوام ۔ ان ميں مستقل مزاجی نام کو بھی نہيں ۔ مجھے وہ دن بھی ياد ہيں جب محمد ايوب خان کو نجات دہندہ کہا گيا اور وہ بھی جب “ايوب کُتا ہائے ہائے” کے نعرے لگائے گئے ۔ وہ دن بھی ياد ہيں جب آغا محمد يحیٰ خان کو امير المؤمنين کہا اور لکھا گيا تھا ۔ پھر جسے قائدِ عوام کا مستقل خطاب ديا گيا اسی نے اس ملک کی تباہی کی بنياد رکھی تھی اور عوام سڑکوں پر آ کر گولياں کھاتے رہے ۔ نہ کسی عدالت کا احاطہ محفوظ رہا تھا اور نہ کوئی چار ديواری ۔ بھٹو کے فرستادے ہر جگہ کو پامال کرتے تھے۔ پھر محمد ضياء الحق کو مردِ مؤمن مردِ حق کہا گيا اور آج اسے سب عِلتوں کا سبب قرار ديا جا رہا ہے ۔ اس کے بعد بينظير بھٹو اور مياں نواز شريف کے آنے اور جانے پر جو کچھ ہوا وہ ماضی قريب ہونے کے باوجود لوگ بھول گئے ہيں ۔ کيا 12 اکتوبر 1999ء کو پرويز مشرف کے ساتھی جرنيلوں کے حکومت پر فوج کشی اور قبضہ پر خوش ہو کر پيپلز پارٹی نے جن ميں بينظير بھٹو بھی شامل تھيں مٹھائياں نہيں بانٹی تھيں ؟ کيا موجودہ حکومت آنے پر شاديانے نہيں بجائے گئے تھے ؟
ايم کيو ايم وہ جماعت ہے جو حکومت ميں ہونے کی خاطر سب کچھ بھول جاتی ہے ۔ شور مچاتی ہے مگر عمل سے دُور بھاگتی ہے
Comment by افتخار اجمل بھوپال — August 26, 2010 @ 11:17 am
السلام علیکم ورحمۃ وبرکاتہ،
بس اللہ تعالی سےاپنےگناہوں کی اجتماعی معافی مانگیں اوراللہ تعالی سےدعاکریں کہ ایسےلیڈروں سےنجات دے دے۔ آمین ثم آمین
والسلام
جاویداقبال
Comment by جاویداقبال — August 26, 2010 @ 1:55 pm
محترم جاوید گوندل صاحب ‘کاشف نصیر صاحب’محترم انکل اجمل اور جاوید اقبال صاحب۔۔۔۔۔۔۔۔۔۔آپ کے تبصروں کا شکریہ کہ جن سے رائے عامہ استوار کرنے میں انتہائی مدد حاصل ہوئی۔۔۔۔۔۔۔۔۔۔۔۔۔
یہ امر خاص طور پر قابل ذکر ہے کہ احباب میں سے کسی نے بھی مارشل لا ء کی حمایت نہیں کی۔۔۔۔۔۔۔۔۔۔۔۔۔اور نہ ہی کی جانی چاہئیے تھی۔۔۔۔۔۔۔۔۔۔۔۔۔۔۔۔
پاکستان کے آئین کا آرٹیکل 190 سپریم کورٹ آف پاکستان کو یہ حق ودیعت کرتا ہے کہ وہ کرپشن کے خاتمے اور امن و امان یا کسی بھی حوالے سے اپنے فیصلوں پر عملدرآمد کروانے کےلیے آرمی چیف سمیت تمام ایگزیکٹوز سے مدد حاصل کرے۔۔۔۔۔۔۔۔۔۔۔۔آئینی طور پر موجودہ سسٹم میں فوج کی دخل اندازی کا صرف یہی ایک طریقہ ہے۔۔۔۔۔۔۔۔۔۔۔لیکن اس سلسلے میں ظاہر ہے کہ فوج کی حیثیت حاکم کی نہیں بلکہ خادم کی ہو گی۔۔۔۔۔۔۔۔۔۔۔۔۔۔۔میرا فوج کو خوش آمدید کہنا اسی تناظر میں ہے۔۔۔۔۔۔۔۔۔۔۔۔۔۔اللہ تعالی ایسی مخبوط الحواسی سے بچائے کہ ہم مارشل لاء کی حمایت کریں۔۔۔۔۔۔۔۔۔۔۔۔
دیگر مذہبی اور سیاسی جماعتیں خصوصاً جماعت اسلامی اور نوازشریف اینڈ کمپنی ” جن کےلئے میرے دل میں نرم گوشہ ہے”اصلاح احوال کے لئے اس لئے قدم نہیں بڑھا رہے کہ وہ جانتے ہیں۔۔۔۔۔۔۔۔۔۔۔۔ مرکزی حکومت جتنا گندا ہو سکتی ہے ہو۔۔۔۔۔۔۔۔۔۔۔۔۔۔ تاکہ اگلے الیکشن میں ان کی جیت یقینی ہو جائے۔۔۔۔۔۔۔۔۔۔۔۔لیکن۔۔۔۔۔۔۔۔۔۔۔۔۔۔۔۔۔۔ لوٹ مار کرنے والے اگر بدنیت ہیں تو۔۔۔۔۔۔۔۔۔۔۔۔ اس پر خاموشی اختیار کرنے والے بھی نیک نہیں۔۔۔۔۔۔۔۔۔۔۔۔۔۔۔۔
آج جمہوری حکومت انتہائی پستیوں میں ہے۔۔۔۔۔۔۔۔۔۔۔۔۔۔ گڈ گورننس کیا کہیں۔۔۔۔۔۔۔۔۔۔ گورننس بھی نظر نہیں آتی۔۔۔۔۔۔۔۔۔۔۔۔ میڈیا رپورٹس کے مطابق ہر بڑا انتہائی بے دردی سے لوٹ مار میں مصروف ہے۔۔۔۔۔۔۔۔۔۔۔۔۔۔جو وزیر مشیر خود دولت نہیں بناتے ان کی اولاد اور بیگمات سالے سالیاں یہ فرائض بڑی خوش اسلوبی سے انجام دے رہے ہیں۔۔۔۔۔۔۔۔۔۔۔۔۔۔۔ حکمران اور سیاست دان خود ایک دوسرے کو کرپٹ ثابت کرنے پر تُلے ہوئے ہیں۔۔۔۔۔۔۔۔۔۔۔۔۔۔۔ سیلاب زدگان کی امداد کے لئے حکومت کے پاس ایک کھرب روپے کے قریب فنڈز جمع ہو چکے ہیں ان کو متاثرین میں ہنوز تقسیم نہیں کیا جا رہا۔۔۔۔۔۔۔۔۔۔۔۔۔۔۔۔۔۔۔۔۔۔ عام آدمی کی زندگی عذاب بنا دی گئی ہے۔۔۔۔۔۔۔۔۔۔۔۔۔۔۔۔۔۔بیروزگاری کا دور دورہ اور مہنگائی کا طوفان برپا ہے۔۔۔۔۔۔۔۔۔۔۔۔۔۔۔۔۔۔بجلی موجود نہیں بلوں کی بھرمار ہے۔۔۔۔۔۔۔۔۔۔۔۔۔۔ وطن عزیز کو امریکہ کی کالونی بنا دیا گیا ہے۔۔۔۔۔۔۔۔۔۔۔۔۔۔۔۔۔۔۔۔۔۔ ایسے میں لوگوں کے جذبات حکمرانوں کے خلاف بھڑکے ہوئے ہیں۔۔۔۔۔۔۔۔۔۔۔۔۔۔۔۔۔۔۔۔ انہیں سسٹم سے غرض نہیں اپنے مسائل کے حل سے غرض ہے۔۔۔۔۔۔۔۔۔۔۔۔۔۔۔۔۔۔۔ یہ لوگ ایک بار پھر کرپٹ سسٹم سے نجات چاہتے ہیں۔۔۔۔۔۔۔۔۔۔۔۔۔۔۔۔۔۔۔۔۔ان حالات میں مارشل لاء کی حمائت کے خطاب اور بیانات سستی شہرت کا باعث تو بنتے ہی ہیں ۔۔۔۔۔۔۔۔۔یہ۔۔۔۔۔۔۔۔۔۔۔ اغیار کے مخصوص مفادات اور ایجنڈوں کی تکمیل کا باعث بھی ہو سکتے ہیں۔۔۔۔۔۔۔۔۔۔۔
ان حالات میں سیاستدانوں کے پاس اب بھی سنبھلنے اور اپنے اعمال پر نظرثانی کرنے کا آخری موقع ہے۔۔۔۔۔۔۔۔۔۔۔۔۔۔سسٹم کی فوری تطہیر۔۔۔۔۔۔۔۔۔۔۔یا نئے سرے سے تعمیر ۔۔۔۔۔۔۔۔۔۔۔۔کی اشد ضرورت ہے۔۔۔۔۔۔۔۔۔۔۔اب یہ فوج کی دخل اندازی کے بغیر کیسے ہو۔۔۔۔۔۔۔۔۔۔۔۔۔ یہ ایک سوالیہ نشان اور علیحدہ بحث ہے۔۔۔۔۔۔۔۔۔۔۔۔۔۔۔۔۔
فوج ایک حقیقت ہے۔۔۔۔۔۔۔۔اور۔۔۔۔۔۔۔۔۔ اس کا پس پردہ سیاست میں عمل دخل اس سے بھی اٹل حقیقت ہے ۔۔۔۔۔۔۔۔۔۔۔۔۔۔۔۔اگر فوج کی مداخلت ناگزیر ہے تو صرف اس حد تک ہونی چاہیے جتنی جنرل وحید کاکڑ نے کی تھی جس سے جمہوریت کو نقصان نہیں پہنچا تھا۔۔۔۔۔۔۔۔۔۔۔۔۔۔۔۔۔۔ جنرل مرزا نے ضیاءالحق کے طیارہ حادثے کے بعد اقتدار نہیں سنبھالا تھا۔۔۔۔۔۔۔۔۔۔۔۔۔۔
تاہم فوج اور جرنیلوں کو قائداعظم رح کے ووٹ کے ذریعے بنائے ہوئے پاکستان پر بادشاہی کرنے کا کوئی حق نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔ اگر فوج نے جنگ کر کے لڑ کر ملک آزاد کرایا ہوتا تو قوم اس کا کسی حد تک حق حکمرانی تسلیم کر لیتی لیکن پاکستان میں تو اس کے برعکس ہوا ہے۔۔۔۔۔۔۔۔۔۔۔۔۔۔۔۔۔۔۔اس وقت ہماری فوج یعنی جرنیل اغیار کی غلامی کا طوق پہنے ہوئے ہیں۔۔۔۔۔۔۔۔ سیلاب اور دیگر قدرتی آفات میں فوج کی مدد یقیناً قابل قدر ہے۔۔۔۔۔۔۔۔۔مگر یہ اس کے فرائض میں شامل ہے۔۔۔۔۔۔۔۔۔۔۔۔۔۔۔ تاہم مارشل لاء کی کسی طور حمائت نہیں کی جا سکتی کیونکہ فوج کے اقتدار پر قبضہ سے صرف اور صرف فائدہ امریکہ اور اس کے حواریوں کو ہوگا۔۔۔۔۔۔انہیں صرف فرد واحد سے معاملات طے کرنے میں آسانی ہو جائے گی۔۔۔۔۔۔۔اور فوج کو سیف ایگزٹ کےلیے پھر ایک این آر او کا سہارا لینا پڑے گا ۔۔۔۔۔۔۔۔۔۔جو کرپشن کی اصل جڑ ہے۔۔۔۔۔۔۔۔۔۔۔۔۔۔اور جسے ہم فی الوقت بھگت رہے ہیں۔۔۔۔۔۔۔۔۔۔۔۔۔۔۔۔۔
Comment by hakimkhalid — August 26, 2010 @ 10:13 pm