خودی کو بیچ صدارت میں نام پیدا کر۔۔۔۔۔۔
سوات آپریشن کسی طور بھی پاکستان کی ضرورت نہیں ہے۔ان علاقوں میں فوجی آپریشن کی تاریخ ہی یہی ہے کہ جب بھی پاکستان میں کوئی امریکی عہدیدار آیا تو کسی نہ کسی قسم کی کوئی نہ کوئی کارروائی ضرورکی گئی ‘ اس وقت صدر پاکستان اپنی حکومت کو قائم اوربرقرار رکھنے کے لیے واشنگٹن میں موجود تھے اوریہاں پاکستان میں قوم کا قتل عام شروع کردیا گیا۔ اس مقصد کے لیے جنرل پرویز مشرف کی طرح کسی بھی ادارے میں کوئی مشاورت اورفیصلہ نہیں ہوا ہے صرف وزیراعظم اورآرمی چیف کی ملاقات ہوئی‘ اس کے بعد وزیراعظم نے قوم سے خطاب کیا اورفیصلہ کن آپریشن کرنے کا اعلان کردیا۔فوجی آپریشن میں فضائیہ کا بھی استعمال کیا گیا۔ ہمارے حکمرانوں نے امریکیوں کی طرح عام شہریوں کو نشانہ بنانے کے لیے فضائی حملہ بھی کیاہے
اس آپریشن کی فضا بنانے کے لیے پاکستان کا لبرل طبقہ امریکی غلام بن کر شور مچاتا رہا۔۔۔۔۔۔۔۔۔ میڈیا خصوصاً الیکٹرانک میڈیا بھی اس وقت سوات آپریشن کی پراپیگنڈہ مہم کا حصہ بنایا جا چکا ہے۔میڈیا کا بہت کم حصہ ایسا ہے جو ۔۔۔۔۔۔۔۔۔۔۔اس مہم کا حصہ نہیں۔۔۔۔۔۔۔۔۔۔۔۔۔۔۔
حالانکہ صوبہ سرحد کی بدامنی افغانستان پر امریکی قبضے کا شاخسانہ ہے اورپاکستان کے سابق اورموجودہ حکمرانوں نے امریکا سے اپنی قوم اورملک کے خلاف جنگ لڑنے کے لیے جوڈالر لیے ہیں ان کے عوض وہ اپنے ہی ملک کو تباہ کررہے ہیں۔
پاکستان میں اس بات پر قومی اتفاقِ رائے موجود ہے کہ فوجی آپریشن سے آج تک کوئی مثبت نتیجہ نہیں نکلا ہے۔1970ءمیں مشرقی پاکستان میں فوجی آپریشن سقوطِ ڈھاکا کے المیے کا سبب بنا‘ بلوچستان میں فوجی آپریشن کی وجہ سے اسکولوں میں پاکستان کا قومی ترانہ پڑھنا بند ہوگیا ہے۔صوبائی خودمختاری کی تحریک علیحدگی کی تحریک میں بدل رہی ہے۔ اب پورا صوبہ سرحد بدترین فوجی آپریشن کی زد میں ہے اوریہ آپریشن نہ ہماری قومی ضرورت ہے اور نہ ہی ان خطوں میں بغاوت کی کوئی صورتِ حال موجود تھی بلکہ ہمارے ہی اداروں اورخفیہ ایجنسیوں نے خود ایسے حالات پیدا کیے ہیں کہ عوام کے ذہنوں کو اس ظلم واستبداد اورخونریزی کو قبول کرنے کے لیے تیار کیا جائے۔
سوات امن معاہدے پر امریکا نے سخت ناراضگی کااظہار کیا اور بلآخر اس معاہدے کو ناکام کردیا گیا۔جب اس معاہدے کو توڑ کر فوجی آپریشن شروع کردیا گیا تو سی آئی اے کے سربراہ نے خوشی اورمسرت کا اظہار کیا اور جب ان کو لاکھوں افراد کے بے گھر ہونے پر توجہ دلائی گئی تو انہوں نے بے گھرافراد کے نام پر مزید رقم دینے کا وعدہ کرلیا ہے۔
یہ ہے جدید مغربی تہذیب کے امام کا انسانی جان اور امن وامان کے بارے میں تصور۔ پوری معلوم انسانی تاریخ میں شاید یہ پہلا واقعہ ہوگا کہ کسی قوم کے سربراہان اپنی ہی قوم اوراپنے ہی دوستوں کے قتل عام کی قیمت اس طرح وصول کرتے ہوں۔۔۔۔۔۔۔۔۔۔۔۔۔۔۔
![[Valid RSS]](/images/validrss.png "Validate my RSS feed")
آج کل تو آپ نے مصرعوں کو ٹھیک ٹھاک مشق ستم بنایا ہوا ہے
Comment by DuFFeR - ڈفر — May 12, 2009 @ 12:18 pm
میں نے تو ساری حقیقت لکھ دیکھی کسی نے اثر لیا کسی نے نہیں اور کسی نے سب غلط سمجھا ۔ جب کوئی اپنے آپ کی بجائے کسی دوسرے کو جسے وہ صحیح طور جانتا بھی نہیں معتبر سمجھنا شروع کلر دے تو ایسے شخص کو روشنی دکھانا بہت مشکل کام ہوتا ہے
Comment by افتخار اجمل بھوپال — May 12, 2009 @ 1:03 pm
اردو بلاگرز میں افتخار اجمل صاحب کے بعد صرف آپ ہی ہیں جو سوات جنگ کیخلاف مسلسل آواز بلند کر رہے ہیں باقی تو سب سمجھتے ہیں جو کچھ ہو رہا ہے درست ہو رہا ہے۔ کوئی بھی بندوق کی گولی کی بجائے زبان کی مٹھاس سے مسائل حل کرنے پر راضی نہیں ہے۔
Comment by میرا پاکستان — May 12, 2009 @ 4:22 pm
ڈفر۔۔۔۔۔۔۔۔۔۔۔۔۔۔۔۔۔
ریئل نیم سے بلاگنگ کرنے میں بہت خطرات اور خدشات ہیں اس سلسلے میں کئی مصیبتیں اور محکمانہ شوکاز نوٹس بھگت چکا ہوں۔۔۔۔۔۔۔۔۔۔چند ایک کلکس سے کوئی بھی فرد یا ادارہ مجھ تک پہنچ جاتا ہے۔۔۔۔۔۔۔۔۔۔۔۔۔پاکستان بنانے والوں میں میرے اسلاف کا بھی حصہ ہے ۔۔۔۔۔۔۔یہی وجہ ہے کہ بیوروکریسی ،پاک فوج اور دیگر حساس ادارے فیملی بیک گراؤنڈ کو جانتے ہوئے میری نیک نیتی سے کی گئی سخت سے سخت تنقید برداشت کرجاتے ہیں۔۔۔۔۔۔۔۔لیکن پھر بھی بعض باتیں نثر میں کرنے سے باغی قرار پا سکتا ہوں۔لہذا شاعری کے سہارے۔۔۔۔۔۔۔۔۔۔۔۔۔۔۔۔جہاں میرا ‘’میسج ‘’ متعلقہ احباب و اداروں تک ‘’کنوے’’ ہو جاتا ہے۔۔۔۔۔۔۔وہیں۔۔۔۔۔۔۔۔۔ میں بعض قانونی موشگافیوں سے بھی بچ جاتا ہوں۔۔۔۔۔۔۔۔۔۔۔۔۔۔۔۔اس وجہ کے علاوہ بھی مجھے شاعری کا ذریعہ اظہار بہت پسند ہے۔۔۔۔۔۔۔۔۔۔لیکن تب۔۔۔۔۔۔۔۔۔۔۔۔جب۔۔۔۔۔۔۔۔۔۔ کوئی سمجھنے والا بھی ہو۔۔۔۔۔۔۔۔۔ڈفر۔۔کان قریب لانا۔۔۔۔۔۔۔ویسےایک دفعہ شاعری میں سمجھاتے ہوئے ہم پٹ بھی چکے ہیں۔۔۔۔کسی کو بتا نا نہیں۔۔۔۔۔۔۔۔۔۔۔ہی ہی ہی
Comment by hakimkhalid — May 12, 2009 @ 5:21 pm
انکل اجمل ۔۔۔۔۔۔۔۔۔۔۔۔۔۔۔۔۔۔۔۔۔
مایوسی اچھی بات نہیں۔۔۔۔۔۔۔۔۔۔۔۔۔۔۔۔۔ہم سب کے پیارے نبی (صلی اللہ علیہ وسلم) نےاس وقت بھی اپنے اور اللہ کے پیغام کو لوگوں تک پہنچانا نہیں چھوڑا جب لوگ پیارے نبی(صلی اللہ علیہ وسلم) کو اتنے پتھر مارتے تھے کہ آپ(صلی اللہ علیہ وسلم)کے جوتا مبارک بھی خون سے تر بتر ہو جاتے تھے۔۔۔۔۔۔۔۔۔۔۔لہذا پیارے نبی(صلی اللہ علیہ وسلم) کے امتی کی حیثیت سے راہنمائی تو آپ کو کرتے ہی رہنا چاہئے بظاہر کسی کی سمجھ میں آئے یا نہ آئے۔۔۔۔۔۔۔۔۔۔ کاش۔۔۔۔۔۔۔۔۔۔ یہی بات طالبان کی سمجھ میں بھی آ جائے کہ اسلام تلوار سے نہیں پیار سے پھیلا۔۔۔۔۔۔۔۔۔۔لیکن طالبان کے خاتمے کےلیے ۔۔۔۔۔۔۔۔۔۔تلوار۔۔۔۔۔۔۔۔۔۔۔۔۔۔بالکل نہیں ۔۔۔۔۔۔۔۔۔۔کیا فرق ہےان میں۔۔۔۔۔۔۔۔۔۔۔جنہیں دہشت گرد۔۔۔۔۔۔۔۔۔۔شدت پسند۔۔۔۔۔۔۔۔۔اور نہ جانے کیا کیا نام دیے جارہے ہیں۔۔۔۔۔۔۔۔۔۔۔۔۔۔اور ان میں جو سوات آ پریشن کر رہے ہیں یا ان کے حمایتی ہیں۔۔۔۔۔۔۔۔۔۔۔۔۔۔۔۔۔۔۔۔؟؟؟؟؟؟؟؟؟؟
Comment by hakimkhalid — May 12, 2009 @ 5:58 pm
افضل بھائی۔۔۔۔۔۔۔۔۔۔میرا پاکستان والے
یہ جنگ ہماری جنگ نہیں ہے۔۔۔۔۔۔۔۔۔۔یہ پاکستان کی جنگ نہیں ہے۔۔۔۔۔۔۔۔۔۔۔۔۔۔۔اگر یہ وطن عزیز کی جنگ ہوتی تو۔۔۔۔۔۔۔۔۔۔پوری قوم اپنی پاک فوج کے شانہ بہ شانہ کھڑی ہوتی۔۔۔۔۔۔۔۔۔۔۔ ہماری فوج کا سپریم کمانڈر۔۔۔۔۔۔۔۔۔۔۔ اسلام آباد سے کمان کر رہا ہو ہوتا۔۔۔۔۔۔۔۔۔یا فرنٹ لائن پر ہوتا۔۔۔۔۔۔۔۔۔۔لیکن وہ تو اس وقت امریکہ کی جھولی میں گرا ہوا ہے۔۔۔۔۔۔۔۔۔۔۔ہمارا مورال کیوں ڈی مورال کر رہا ہے چند ڈالرز کی خاطر۔۔۔۔۔۔۔۔۔۔؟؟؟؟؟؟؟؟؟
Comment by hakimkhalid — May 12, 2009 @ 6:07 pm
مجھے تو اس میڈیا کے کردار پر ہنسی بھی آتی ہے اور غصہ بھی آتا ہے کہ آپریشن سے قبل زمین آسمان کے قلابے ملائے ہوئے تھے کہ جناب! طالبان بس اسلام آباد آیا ہی چاہتے ہیں اور جب آپریشن ہو گیا اور دردِ دل رکھنے والے افراد کے خدشات کے مطابق لاکھوں افراد بے گھر ہو کر اپنے ہی ملک میں پناہ گزین بننے لگے تو یہ وہاں بھی مظلوم بن کر پہنچ گئے اور “پکار”نے لگے کہ آگے بڑھ کر ان کی مدد کیجیے۔
تو کوئی ان سے پوچھے کہ کیا تم لوگ اتنے بھولے ہو، تمہیں اندازہ نہیں تھا کہ آپریشن کیا چیز ہوتی ہے؟ کیاچند پٹاخے پھوڑنے آپریشن میں؟
اب اتنی بڑی ہجرت کے نتیجے میں جو المیے جنم لیں گے، انہیں کیا ہماری اگلی نسلیں برداشت کریں گی؟
اللہ ہمیں اپنی حفظ و امان میں رکھے
Comment by ابوشامل — May 13, 2009 @ 9:08 am
ابو شامل بھائی۔۔۔۔۔۔۔۔۔۔۔
بے حس میڈیا اس وقت انتہائی گھناونے کھیل کا حصہ بن چکا ہے اور وہ پندرہ لاکھ سے زائد ان مہاجرین کو بیچ رہا ہے۔۔۔۔۔۔۔۔۔۔ان کےلیے اس المیے کی حیثیت ایک پراڈکٹ جیسی ہے۔۔۔۔۔۔۔۔۔۔۔۔۔۔۔۔۔۔۔۔۔۔۔
میں جب اپنے پیٹی بھائیوں کو شورش کاشمیری کی کہی گئی یہ بات یاد کرواتا ہوں کہ ‘’قلم کی عصمت ماں بہن کی عصمت سے زیادہ ہے’’ تو بہت تلملاتے ہیں۔۔۔۔۔۔۔۔۔۔اس وقت سب ٹیبل سٹوریز گھڑی جا رہی ہیں کیونکہ سوات آپریشن تک کسی بھی ملکی یا غیر ملکی صحافی کی رسائی نہیں ہے۔۔۔۔۔۔۔۔۔۔۔۔۔۔۔۔۔بلکہ جب اذیتوں کے شکار یہ مہاجرین حقوق انسانی کے سب سے بڑے علمبرداروں کی شیطانیت کا شکار ہورہے ہیں تو اس عالم میں نیشنل پریس کلب اسلام آباد کے ممبران ہلہ گلہ کر کے انجوائے کر رہے تھے۔۔۔۔۔۔۔۔۔۔۔۔۔۔طرح طرح کے کھانے کھائے جا رہے تھے۔۔۔۔۔۔۔۔۔۔ ڈانس ہو رہے تھے یہ طالبان کے خاتمے کا جشن تھا یا انسانیت کے سب سے بڑے المیے کا مذاق۔۔۔۔۔۔۔۔۔۔اس موقع پر امن میلے کا انعقاد کرنے والے یہ احباب ذرا اپنے گریبان میں تو جھانکیں۔۔۔۔۔۔۔۔۔۔۔۔۔۔۔گھن آنے لگے گی ۔۔۔۔۔۔۔۔۔اسے جس کا ضمیر جاگ گیا۔۔۔۔۔۔۔۔۔۔۔۔۔۔نوے فیصد میڈیا۔۔۔۔۔۔۔۔خصوصاً الیکٹرانک میڈیا۔۔۔۔۔۔۔۔۔اس وقت جو کر رہا ہے۔۔۔۔۔۔۔۔۔۔اسے اتنا تھوکنا چاہئے جتنا وہ چاٹ سکے۔۔۔۔۔۔۔۔۔۔۔۔۔۔
Comment by hakimkhalid — May 13, 2009 @ 9:59 am
my blog is www.jangpoint.blogspot.com
send me your ID I will send you the actual condition of this war.
Good Luck & Allah Hafiz
Comment by Faisal — June 10, 2009 @ 11:22 am