HakimKhalid's Blog :: یوم دفاع پاکستان۔۔۔۔۔۔۔۔۔۔اور امریکی حملے :: September

جو قومیں یا ملک رفاع یعنی عوامی فلاح و بہبود سے زیادہ دفاع پر خرچ کرتے ہیں ان کا حال پاکستان جیسا ہی ہوتا ہے

کتنی حیران کن بات ہے کہ حکومت کی رٹ اسٹیبلش کرنے کی آڑ میں اسلام آباد میں موجود لال مسجد کے مکین اپنے ہی معصوم شہریوں پر تو پوری کی پوری فوج چڑھ دوڑی۔اور فاسفورس بم تک چلا دئے لیکن آج تین دن سے مسلسل پاکستانی سرحدی علاقے نیٹو کی افواج کی بربریت کا شکار ہورہے ہیں۔لیکن افواج پاکستان صرف جوابی حملے کے حق کو محفوظ رکھنے کے بیانات سے کام چلا رہی ہے۔۔۔۔۔۔۔۔۔۔۔۔۔۔جو کہ’ اب کے مار پھر دیکھیں گے’ کے مصداق ہیں۔۔۔۔۔۔۔۔۔۔۔۔۔۔۔

پاکستان کی معاشی حالت کے بعد پاکستان کی خود مختاری ایک سوالیہ نشان بن چکی ہے۔۔۔۔۔۔۔۔قوم ڈی مورال ہے۔۔۔۔۔۔۔۔۔۔۔۔۔پاک فوج کو یاد رکھنا چاہئے کہ اسے ایٹمی طاقت بننے کےلئے امریکہ یا کسی اور ملک کی امداد حاصل نہیں رہی یہ پاکستان کے عوام کے خون پسینے کی کمائی سے ہی ممکن العمل ہوا۔۔۔۔۔۔۔۔۔۔۔چھ ستمبر یوم دفاع پاکستان نہ صرف پاکستانی عوام بلکہ افواج پاکستان کے لئے بھی تجدید عہد کا دن ہے صرف ماضی کی قربانیوں کو یاد کرنے سے اب کچھ حاصل ہونے والا نہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔پاک فوج اور عوام میں جتنی دوریاں اس چھ ستمبر پہ موجود ہیں قبل ازیں کبھی بھی نہیں رہیں ۔۔۔۔۔۔۔۔۔۔۔۔۔۔۔۔۔پاک فوج کو اب ایک مقدس گائے کی حیثیت حاصل نہیں ۔۔۔۔۔۔۔۔۔۔۔۔۔۔۔۔۔۔ان دوریوں کے خاتمہ کےلئے نئے سرے سے پالیسیاں وضع کرنا ہوں گی اپنا سابقہ امیج بحال کرنا ہوگا اسی صورت میں عوام کی ہمدردیاں اس کے ساتھ ہوں گی ورنہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاک فوج کی حالت یہ ہو گی کہ۔۔۔۔۔۔۔۔۔۔۔۔۔۔۔۔

نہ خدا ہی ملا نہ وصال صنم

نہ ادھر کے رہے نہ ادھر کے رہے