HakimKhalid’s Blog :: اور۔۔۔۔۔۔۔۔۔۔پاکستان میں ایمرجنسی نافذ کر دی گئی :: November

November 3, 2007

اور۔۔۔۔۔۔۔۔۔۔پاکستان میں ایمرجنسی نافذ کر دی گئی

پاکستان میں ایمرجنسی نافذ کر دی گئی ہے۔ ملک میں ٹی وی چینلوں کی نشریات بند ہیں اور حفاظتی انتظامات سخت کر دیے گئے ہیں اور اس ضمن میں اسلام آباد میں پنجاب سے اضافی فورس طلب کرلی گئی ہے۔ ملک میں موبائل نیٹ ورک بھی جیم کر دیے گئے ہیں۔ شاہراہ دستور پر رینجر تعینات ہیں اور سپریم کورٹ جانے والے تمام راستے بھی بند ہیں۔

حکومتی ٹی وی چینل ’پی ٹی وی‘ کے مطابق پاکستان کے فوجی صدر جنرل پرویز مشرف نے بطور آرمی چیف عبوری آئینی حکم جاری کرتے ہوئے ملک بھر میں ایمرجنسی نافذ کرنے کا اعلان کردیا ہے۔

پاکستان میں گزشتہ کئی روز سے ایمرجنسی یا مارشل لاء کے نفاذ کی باتیں تواتر کے ساتھ ہوتی رہی ہیں اور ان افواہوں میں تیزی آج اس وقت نظر آئی جب ایوان صدر میں جنرل پرویز مشرف کی صدارت میں آج ایک اہم اجلاس منعقد ہوا۔

اجلاس میں حکومت کے قانونی مشیروں نے بھی شرکت کی اور اطلاعات کے مطابق جنرل پرویز مشرف کے صدارتی انتخاب کو خلاف آئین قرار دیے جانے کی صورت میں متبادل انتظامات کے بارے میں مشاورت کی گئی۔

ایمرجنسی کے نفاذ سے پہلے ملک بھر میں نجی ٹی وی چینلوں کی نشریات بند کردی گئی تھیں۔

اسلام آباد پولیس اور رینجرز کے اہلکاروں کو ڈپلومیٹک انکلیو کے باہر واقع سفارت خانوں پر تعینات کر دیا گیا ہے جبکہ عوامی مقامات پر بھی پولیس اہلکاروں کو سادہ کپڑوں میں تعینات کیا گیا ہے۔

یا اللہ پاکستان پر رحم فرما۔آمین

Cat:

روز مرہ زندگی کے معاملات

حالاتِ حاضرہ

خبر

Comments »

The URI to TrackBack this entry is: http://hakimkhalid.blogsome.com/2007/11/03/p93/trackback/

No comments yet.

RSS feed for comments on this post.

Line and paragraph breaks automatic, e-mail address never displayed, HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>