HakimKhalid’s Blog

 آج پاکستان سمیت پوری دنیا عالمی یومِ صحت’’ صحت کےلئے سرمایہ کاری’محفوظ تر مستقبل کی تعمیر ‘’کے سلوگن کی ساتھ منارہی ہے۔ یہ دن1950سے ہرسال7 ۔اپریل کومختلف موضوع کے ساتھ منایا جاتا ہے۔ یوم صحت منانے کا مقصد لوگوں ‘ملکوں ‘حکومتوںاور صحت سے متعلقہ تنظیموں میں امراض کے بارے میں شعور بیدار کرنااور اس ضمن میں عملی اقدامات کی تحریک پیدا کرناہے۔ایک بہتر اور محفوظ مستقبل کی تعمیر کےلئے موثراجتماعی نظام صحت کا فروغ انتہائی ضروری ہے۔جس کا وطنِ عزیز میں فقدان ہے۔ورلڈہیلتھ آرگنائزیشن (ڈبلیو ایچ او)کی رپورٹ کے مطابق جدید میڈیکل سائنس کی بے پناہ ترقی کے باوجود دنیا کی 86 فیصد آبادی ہربل ادویات استعمال کر رہی ہے جبکہ اقوام متحدہ کے فنڈبرائے آبادی کے مطابق پاکستان کی 76فیصد آبادی مختلف امراض کے سلسلے میں طب یونانی کی ہربل میڈیسنز کا استعمال کرتی ہے۔اس کے باوجود وطن عزیز کی کسی ہیلتھ پالیسی اور اسکیم میں طب یونانی کو شامل نہیں کیا جاتاحالانکہ عالمی ادارہ صحت بھی اس کی سفارش کرچکا ہے یہی وجہ ہے کہ کوئی بھی ہیلتھ پالیسی اوراسکیم ہمارے ملک میں کامیاب نہیں ہوتی۔ حکومت کے صحت پروگراموں کے ثمرات پاکستانی عوام خصوصاً دیہاتیوں کو تبھی پہنچ سکیں گے جب ان میں طب یونانی کو بھی شامل کیا جائے گا انہوں نے حکومت سے اپیل کی کہ طب یونانی اور اس کی صنعت دواسازی کو فروغ دیا جائے’ اس سلسلے میں قانون سازی کی جلد ازجلد تکمیل کی جائے نیزصحت کے حوالے سے سرمایہ کاری کرتے وقت طب یونانی کو بھی مدنظر رکھا جائے۔ حکومت کے ان اقدامات سے پاکستان اپنا قومی مسلہ ء صحت حل کرنے کے ساتھ ساتھ کروڑوں ڈالر کا زرمبادلہ بھی کما سکتا ہے۔

 یونانی میڈیکل آفیسر اور مرکزی سیکرٹری جنرل کونسل آف ہربل فزیشنز پاکستان حکیم قاضی ایم اے خالد کا عالمی یوم صحت کے حوالے سے منعقدہ ایک سیمینارسے خطاب